好聲好戲｜楊潮凱唔滿意演出過火當場爆喊 拍檔老友孫慧雪：係我連累咗你

無綫配音比賽《好聲好戲》第三組參賽者昨晚（24日）進行「拍檔聲演」環節，楊潮凱、洪永城、陳自瑤及羅毓儀各自搵好友幫手；當中打頭陣作賽的潮凱，就請來孫慧雪合作聲演《天地豪情》入面的張家輝和蔡少芬，結果獲得6綠1紅的高分數，不過潮凱勁高要求，爆喊表示唔多滿意。事後阿雪在網上公開講對唔住，認為自己連累咗潮凱。兩個人態度都好認真，潮凱希望贏到比賽，阿雪就想幫老友出線。

{{hket:inline-image name="05252003.jpg"}}{{/hket:inline-image}}

{{hket:inline-image name="05252007.jpg"}}{{/hket:inline-image}}

【我要做業主】楊潮凱公屋出身買樓全靠精明老婆 與教師太太相愛18年互相扶持【下一頁】

楊潮凱和孫慧雪昨晚的演出其實幾高質，主席評判之一的韓馬利對二人有讚亦有彈：「覺得阿雪把聲好似叉燒粉（蔡少芬），不過都係有啲『食字』（講漏字），一用力就會急，就好容易『食字』，所以呢個要好小心。」專業評判團的「花師奶」雷碧娜就認為潮凱有點過火，演出上應該要壓低少少，到最尾先爆發出來就可以。

至於惟一給予紅燈的魏惠文指潮凱很有感情，可是無法配合到角色。身為導師的龍天生就力撐潮凱：「佢考慮緊（自己）要唔要似張家輝把聲，我畀嘅意見係到時跟住戲去（發揮），你成功咗喎，你冇諗過究竟係咪學張家輝，所以OK喎！」

主持人賴慰玲追問潮凱是否很不滿意成績？潮凱當場喊住講：「其實唔滿意，係因為……排練咗好耐，亦問咗天生哥好多意見，用咗好多時間去諗點做，臨上台之前有叫自己唔好咁緊張；但當一上台唔知點解……突然好緊張。頭先話我over係啱，真係feel到有；想要撳番落去，但知道有啲位一撳就去唔到，同埋有啲位已經差咗，個吓真係有少少覺得做唔到自己嘅要求。」

好聲好戲｜盧雄入行逾40年獲頒殿堂聲演獎 勉勵新一輩唔好灰心終有出頭天【下一頁】

楊潮凱節目播出後在IG表示：「眾所周知，這個舞台確確實實是個英雄塚，我們知道即使在賽前準備得如何充足也好，上到台一定會大打折扣，所以我們都用盡努力練習，不敢有一絲的鬆懈。我很感謝你（孫慧雪）在百忙中抽空幫我站台，你成日話你累咗我，我想講你已將你最好的交出來，我們無悔了，千萬不要自責。比賽的成敗不重要，最重要是我們在當中學到的東西可以令我們成長，有進步，我很榮幸能與你一起經歷這一切，衷心多謝你！你永遠是我的最佳拍檔！」孫慧雪亦留言回覆：「我知道，嚟緊我哋一定可以更好，多謝你！」

孫慧雪在約一小時後亦發文：「對唔住呀！楊潮凱！係我連累咗你！你做得好好呀！亦都教咗我好多，完show後第二日仲要你打電話嚟安慰返（番）我！其實show前已經練習咗無數次，但到咗現場，真係緊張到個心都跳埋出嚟，係我對自己唔夠信心，又好怕連累對手，呢個想法已經輸咗一半，而現場表演狀態同心理質素真係太差啦！好多謝你叫埋我，俾（畀）咗呢次寶貴經驗我！我哋嘅經歷又多咗一個啦。」楊潮凱很快回應：「你在我心目中永遠都是number 1，站在這個舞台一點都不容易，你已交出了你的最好，我衷心多謝你的幫忙，你永遠都係我最好的拍檔。」

（↓點擊放大睇圖片↓）

此外，節目亦預告了其他參賽者的拍檔及聲演題目，分別有洪永城和林夏薇演《西遊記之大聖歸來》、陳自瑤和張頴康演《他來自江湖》、羅毓儀和李紹堅演《缺宅男女》。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】